Daily Din News
 صادق آباد‘دو بسوں میں تصادم‘ کئی طلبا سمیت 30 افراد جاں بحق‘60 زخمی

صادق آباد‘دو بسوں میں تصادم‘ کئی طلبا سمیت 30 افراد جاں بحق‘60 زخمی


صادق آباد‘سجہ موڑ کے قریب دو بسوں میں تصادم سے کئی طلبا سمیت 30 افراد جاں بحق اور60سے زائد زخمی ہو گئے۔نجی ٹی وی کے مطابق طالب علموں سے بھری ایک بس خانپور سے رحیم یار خان جا رہی تھی کہ صادق آباد میں سجہ موڑ کے قریب کراچی سے لاہور جانے والی بس سے ٹکرا گئی ۔ متعدد افراد کی لاشیں بسوں کی باڈی کاٹ کر باہر نکالا گیا۔ریسکیو اہلکاروں نے حادثے میں زخمی ہونے والوں کو فوری طور پر قریبی تحصیل ہیڈ کوارٹر اسپتال جب کہ شدید زخمیوں کو ڈی ایچ کیو اسپتال منتقل کر دیا کیا جہاں انہیں طبی امداد دی جا رہی ہے۔ ذرائع کا کہنا ہے کہ بسوں کو حادثہ تیز رفتاری کے باعث پیش آیا، جاں بحق ہونے والوں میں دونوں بسوں کے ڈرائیور اور کلینرز بھی شامل ہیں۔واضح رہے کہ 2009 میں بھی سجہ موڑ پر باراتیوں سے بھری 2 بسیں مخالف سمت سے آتے ٹرک سے ٹکرا گئیں تھیں جس کے نتیجے میں 30 افراد جاں بحق ہو گئے تھے۔
 


متعلقہ خبریں