Daily Din News
 پی ٹی آئی رہنماﺅں کا دورہ لندن ناکام‘ قادری کا ملنے سے انکار

پی ٹی آئی رہنماﺅں کا دورہ لندن ناکام‘ قادری کا ملنے سے انکار


لندن‘ پاکستان عوامی تحریک کے سربراہ ڈاکٹر طاہر القادری نے پاکستان تحریک انصاف اور عوامی مسلم لیگ کے رہنماو¿ں سے ملنے سے انکار کردیا جس کے بعد جہانگیر ترین، چوہدری سرور اور شیخ رشید کا دورہ لندن ناکام ہو گیا۔نجی ٹی وی کے مطابق جہانگیر ترین، چوہدری سرور اور شیخ رشید عوامی تحریک کے سربراہ ڈاکٹر طاہر القادری کو اسلام آباد دھرنے میں شرکت کی دعوت دینے کے لئے لندن گئے تھے تاہم ڈاکٹر طاہر القادری نے ان رہنماو¿ں سے ملنے سے انکار کردیا اور اچانک لندن سے کینیڈا روانہ ہو گئے۔پاکستان عوامی تحریک کے رہنماو¿ں کا کہنا ہے کہ ڈاکٹر طاہر القادری کینیڈا سے 21 اکتوبر کو لندن واپس آئیں گے جس کے بعد تحریک احتساب کے دوسرے مرحلے کا اعلان کریں گے۔
واضح رہے کہ پاکستان تحریک انصاف اور عوامی تحریک کے رہنماو¿ں کے درمیان پی ٹی آئی کے رائیونڈ مارچ سے قبل اختلافات پیدا ہوئے تھے اور دونوں سیاسی جماعتوں کے رہنماو¿ں کی جانب سے ایک دوسرے پر کھلی تنقید بھی کی گئی تھی۔
 


متعلقہ خبریں