Daily Din News
  بھارتی فلموں کی نمائش پر پابندی‘حکومت اور سنسر بورڈ سے جواب طلب

بھارتی فلموں کی نمائش پر پابندی‘حکومت اور سنسر بورڈ سے جواب طلب


لاہور ‘لاہور ہائیکورٹ نے مقبوضہ کشمیر میں مظالم بند ہونے تک پاکستانی سینما گھروں میں بھارتی فلموں کی نمائش پر پابندی کے لیے درخواست پر وفاقی حکومت اور سنسر بورڈ سے جواب مانگ لیا۔ لاہور ہائیکورٹ کے جسٹس شاہد کریم نے سٹیج اداکار افتخار ٹھاکر کی درخواست پر سماعت کی درخواست گزار کے وکیل اشتیاق چودھری نے موقف اختیار کیا کہ بھارت مقبوضہ کشمیر میں مسلمانوں پر مظالم کر رہا ہے اور پاکستان میں بھارتی فلم انڈسٹری کوفروغ دیا جا رہا ہے۔ وکیل کے مطابق حکومت کشمیریوں سے حمایت کے لیے دوغلی پالیسی اپنا رہی ہے اور حکومتی اقدام کشمیریوں کے زخموں پر نمک چھڑکنے کے مترداف ہے۔ درخواست گزار نے استدعا کی کہ مقبوضہ کشمیر میں بھارتی مظالم بند ہونے تک بھارتی فلموں کی پاکستان میں نمائش پر پابندی لگائی جائے ، درخواست پر مزید سماعت پچیس اکتوبر کو ہوگی۔
 


متعلقہ خبریں