Daily Din News
 مکا چوک پر قومی پرچم لہرانے لگا‘متحدہ کے قائد کی تصاویر ہٹادی گئی‘غیر قانونی دفاتر بند کرنے کا فیصلہ

مکا چوک پر قومی پرچم لہرانے لگا‘متحدہ کے قائد کی تصاویر ہٹادی گئی‘غیر قانونی دفاتر بند کرنے کا فیصلہ

کراچی‘تفریحی مقامات اور تعلیم اداروں میں قائم دفاتر سمیت ایم کیو ایم کے وہ تمام دفاترجو غیر قانونی طور پر قبضہ میں لی گئی زمینوں پر قائم ہیں کوبند کرنے کا فیصلہ کرلیا گیا ہے جب کہ نائن زیرو کے اطراف سے نامعلوم افرادنے قائد ایم کیو ایم کی تصاویر ہٹا دیں۔نجی ٹی وی کے مطابق شہر کے مختلف مقامات پر ’نامعلوم افراد‘ کی طرف سے قائد متحدہ کی تصاویر ہٹائے اور پھاڑے جانے کے بعد شہر قائد میں قائم ایم کیو ایم کے تمام دفاتر بند کرنے کا فیصلہ کر لیا گیا ہے،پہلے مرحلہ میں ایم کیو ایم کے وہ تمام دفاتر بند کرنے کا فیصلہ کرلیا گیا ہے جو غیر قانونی طور پر تفریح گاہوں ، تعلیمی اداروں اورقبضہ کردہ زمینوں پر قائم ہیں۔نجی ٹی وی کے مطابق یہ فیصلہ گزشتہ دوروز سے کراچی میں جاری اعلیٰ سطحی اجلاس میں کیا گیا۔ٹی وی کے مطابق حکام کی جانب سے متحدہ کو الٹی میٹم دیا گیا ہے کہ آئندہ تین روز میںایسے تمام دفاتر بند کردیئے جائیں کیونکہ انہیں منہدم کردیاجائے گا۔قبل ازیں کراچی میں واقع ایم کیو ایم کے گڑھ مکا چوک سمیت شہر کے کئی اہم علاقوں میں لگیں قائد متحدہ کی تصاویر اتار یا پھاڑ دی گئی ہیں۔پولیس کے کہنا ہے کہ جلد ہی تمام غیر قانونی دفاتر کو ختم کردیا جائے گا۔
 


متعلقہ خبریں