Daily Din News
لاہور میں بچوں کی پراسرار گمشدگی کا سلسلہ جاری

لاہور میں بچوں کی پراسرار گمشدگی کا سلسلہ جاری

لاہور میں بچوں کے اغواءاور پراسرار گمشدگی کا سلسلہ نہ تھم سکا، بھٹہ چوک کی رہائشی 9 سالہ نمرہ بھی لاپتہ، اہل خانہ نے اغواءکے شبہ پر اندراج مقدمہ کی درخواست دیدی۔ کینٹ کے علاقہ کیر کوٹ کے رہائشی احمد کی نو سالہ بیٹی نمرہ گھر سے شیمپو لینے نکلی اور واپس نہ آئی۔ اہل خانہ دن بھر تلاش کرتے رہے مگر بچی کا کچھ سراغ نہ ملا۔ معصوم نمرہ سات بہن بھائیوں میں پانچویں نمبر پر ہے اور تیسری جماعت میں پڑھتی ہے۔ نمرہ کا والد احمد رکشہ ڈرائیور ہے جو ٹریفک حادثے کے باعث ایک سال سے معذوری کی زندگی گزار رہا ہے۔اہل خانہ نے کم سن نمرہ کے اغواءکا شبہ ظاہر کرتے ہوئے جنوبی چھاو¿نی تھانے میں اندراج مقدمہ کی درخواست دے دی ہے۔ پولیس کا کہنا ہے کہ واقعے کی تحقیقات جاری ہیں۔


متعلقہ خبریں